ત્યાર પછી વિક્રમ સવંત ૨૦૦૪ માં માગશર સુદ પૂનમ શનિવાર તારીખ ૨૭/૧૨/૧૯૪૭ ના રોજ ગામના લોકો સાથે બાપાશ્રી વાંજતે ગાંજતે ગામના આથમણા પાદર આવ્યા અને અહીં સરમાળીયા દાદા ની જગ્યા માં બાજરાની ચાર ભારા કડબ લાવીને એક નાની એવી ઝુંપડી બનાવીને બાપાશ્રી એકાંતમાં ભજન માં તારા બાંધીને બેસી ગયા. બાપાશ્રીએ ઘરનો સર્વે વ્યવહાર શંભુરામ બાપુને સોંપીને ભજનમાં લીન થઈ ગયા અને આ સમયે ગામના આથમણા પાદર એટલે કે બાપાશ્રીએ ઝુંપડી બાંધી હતી ત્યાં આસપાસ સાંજના સાત વાગ્યાથી રસ્તા બંધ થઇ જતા હતા એટલી ભૂતાવળ થતી હતી બાપાશ્રીએ સર્વ પ્રેતાત્માઓ ને મુક્ત કરી અને મુક્તિના માર્ગ તરફ વાળી હતી.

વિક્રમ સવંત ૨૦૦૪માં આસો માસમાં ગારાના બે મકાન બનાવ્યા હતા, જેમાં એક રૂમમાં ઠાકોરજી ની છબી પધરાવીને સીંહાસ બનાવવામાં આવ્યું હતુ.અને જેમાં બીજી રૂમમાં રસોડું હતું, જેમાં વિક્રમ સવંત ૨૦૦૫ માં બીજી રૂમમાં એક ભોયરુ ગાળવામાં આવ્યું હતું. સાત આઠ ફૂટ ઊંડું અને બે ફૂટ પહોળું ચાર ફૂટ લાંબુ અને ઉપર લાકડાનો બારણું બનાવ્યું હતું,

બાપાશ્રી દરરોજ ભોયરામાં ભજન કરવા જતા ત્યારે બાપાશ્રી ક્યારેક ભોયરામાં પાઘ,ખેચ, માળા, દિવો, દંડ અને ચાખડી વગેરે મુકાવતા હતા, તો એક દિવસ બાપાશ્રીને પૂછ્યું કે બાપા તમે ભજનમાં ભોયરામાં બેસો ત્યારે આ બધી વસ્તુઓ શા માટે મુકાવો છો? માળા, અને દીવો બેની જ જરૂર પડે બીજું શું કામ. બાપાશ્રીએ કહ્યું, અમારે પણ બહાર જવાનું હોય એટલે આ બધી વસ્તુ જોઈએ કોઈને ત્યાં મહેમાન થઈને જઈએ તો એમનેમ જવાય આમ બાપાશ્રીકહેતા પછી ભજન માં બેસી જતા રાત્રે ભોયરામાં ભજન કરવા ગયા હોય ત્યારે સવારે ભોંયરામાંથી બહાર આવે ત્યારે બધાને પ્રસાદી આપતા હતા. આમ બાપાશ્રીની અકળ લીલાનું વર્ણન થઈ શકે તેમ નથી.

બાપાશ્રી દર વર્ષે સુખરામ બાપુ ની તિથિ ઉજવતા હતા, ત્યારે અનેક સંતો-ભક્તો આવતા હતા તેમને આનંદ અને સત્સંગ નો અનેરો લાભ આપતા હતા, બાપાશ્રીએ જીવનમાં કેવી રીતે રહેવું કેવી રીતે વર્તવુ, એ સર્વો ઉપર ખૂબ જ ભારપૂર્વક જીવનનું ઘડતર કરતા હતા. બાપાશ્રી કહેતા કે આગળ દિવસો ખુબજ વિપરીત આવશે માટે ચેતીને રહેજો, મીઠાની કાકરી અને રોટલો ખાયલેજો પણ કર્જ કદાપી કરતા નહી,અને કરકસરાઈ એ આપણો બીજો ભાઈ છે,આપણે લુચાઈ નથી કરવાની જેની જરુર હોય તે કરો પણ કરકસરાઈ જીવનમાં જરુરી છે, આમ બાપાશ્રી સવૉનું ઘડતર કરતા હતા. આમ બાપાશ્રી સર્વો સેવક સમુદાયને પોતાના સ્વજનથી પણ વિશેષ સાચવતા હતાં. બાપાશ્રી સર્વો જીવાત્મા પ્રત્યે પ્રેમભાવ અને કરૂણા દાખવતા હતા.

વિક્રમ સવંત ૨૦૧૨માં ગારાના મકાન પાડી ને મોટા બે વિલાયતી નળિયા વાળા બે ઓરડા ઉગમણા બારના બનાવ્યા હતા જેમાં પાછળ રસોડું અને ભંડાર ઓરડી હતી,આગળ અને પાછળ લાંબી ઓસરી અને આગળની બાજુ ઓસરીમાં જ ભોયરું આવી ગયું હતું, વિક્રમ સંવત ૨૦૧૩ની સાલમાં મકાન નુ કામ સંપુર્ણ થયું હતું

વિક્રમ સંવત ૨૦૧૩માં શ્રાવણ સુદ બીજના દિવસે રામ,લક્ષ્મણ,જાનકીજી ના સ્વરૂપ નું સ્થાપન બાપાશ્રી ના વરદ હસ્તે કરવામાં આવ્યું હતું, અને ઓસરીમાં જ યજ્ઞ કુંડ બનાવીને યજ્ઞ કાર્ય કર્યું હતું રેવાશંકર જીવરામ ભટ્ટ મહારાજ દ્વારા યજ્ઞ અને રામ પારાયણ કથાનું રસપાન કરાવ્યું હતું અને ચિંહાસનમાં રામ,લક્ષ્મણ,જાનકીજી,ના સ્વરૂપ પધરાવ્યા હતા તેની દરિયાદી બાજુમાં રામદેવજી મહારાજ નું પંચધાતુ નું સ્વરૂપ પધરાવ્યું હતું આમ બાપાશ્રી ના વરદ હસ્તે ચિંહાસન સ્થાપિત કરવામાં આવ્યું હતું

વિક્રમ સંવત ૨૦૧૫ માં એક વખત રામાણી કુંટુંબનાં એક નાની વયના બેનને સર્પ ડંસૅ થયો હતો ત્યારે તેવોએ મણીરામ વ્યાસને જે મહાકાળી ના ઉપાસક હતા જેણે આંખી રાત સર્પ ઉતાર્યો અને ઘણા પ્રયત્નો કર્યા છતાં સર્પ ઉતર્યો નહીં વિષનું પ્રમાણ વધવાથી ગાંઠ નિદ્રામાં ચાલ્યા ગયા અને અંતે પ્રાણ પંખી ઉડી ગયું હતું, પછી સવારે સાત વાગ્યે બાપાશ્રી પાસે લાવ્યા અને બાપાશ્રી ને કહ્યું બાપારામ અમે આને તમારે શરણે લાવ્યા છીએ અમારા ઉપર કૃપા કરો અને દયા કરીને આને જીવન દાન આપો,

બાપાશ્રી એ કહ્યું અહીં ઓસરીમાં ઠાકોરજી ના ઓરડા સામે સુવડાવીને સફેદ કપડું ઓઢાડીદો અને બાપાશ્રી ઠાકોરનાં ઓરડામાં ચાલ્યા ગયા અને ઠાકોરજી ને ધૂપ કરી દીપ પ્રાગટ્ય કરી ભોંયરામાં ભજનમાં બેસી ગયા પછી અગિયાર વાગ્યે ભોંયરામાંથી બહાર આવીને ઠાકોરજીનાં ઓરડામાં જઈને જળની જારી ભરીને બહાર આવ્યા અને એક અંજલિ ભરીને છાટી ત્યાં થોડી વારમાં તે બેન બેઠા થયા આમ, બાપાશ્રીએ નવું જીવન દાન આપ્યું હતું.

બાપાશ્રીએ નાગજીભાઈ ભવાનભાઈ રામાણીને કહ્યું ભાઈ આ તો ઠાકોરજી લાજ રાખે પણ આ કાર્ય કરાય નહીં, નહીં તો અહીં સમાધીનાં ખાડા ગાળવા પડે અને ઠાકર પાસે કાર્ય કરાવવું તે સારુ ના લાગે માટે હવે ધ્યાન રાખવું.

આમ, બાપાશ્રીએ બહેનને સજીવન કર્યા તે જોઇને મણીરામ વ્યાસ બાપાશ્રીનાં શરણોમાં પડી ગયા અને બાપાશ્રીનાં શિષ્ય બનવાનો લાભ લીધો હતો બાપાશ્રીએ તેને કહ્યું હવે તમારે ભવાઇ નથી ભજવવાની તમારે ઠાકોરજીનું ભજન કરવાનું છે માટે હવે પછી તમે ભવાઇ રમતા નહીં બાપાશ્રીની આજ્ઞા સીરોધાર્ય કરીને ઉપદેશ ( દીક્ષા ) લઇને તે પોતાના પંથે ચાલ્યા ગયા જેવો માંગરોળ પાસેનાં હતા આમ બાપાશ્રીએ અનેક પરસા પૂર્યા હતા જેનુ વર્ણન કરી શકાય તેમ નથી.

એક વખત રામજી બાપુ બાપાશ્રી નાં માસીયાઇ ભાઈ, ગુરૂ ભાઈ શ્રી સુખરામ બાપુ નાં શિષ્ય જેમણે પાટી મુકામે આશ્રમમાં મંડપ મેળાવડો કર્યો હતો. ત્યારે રામજી બાપુ એ બાપાશ્રીને વાયક પાઠવ્યા અને બાપાશ્રી અને ભગવાનજી મહારાજ ગોર બે ઘોડા લઇને અને એક બળદ ગાડું લઇને પાટી જતા હતા. બળદ ગાડામાં શ્રી કાનદાસ બાપુ, રવજી બાપા તેમજ ભાવિક ભક્તો હતા. અને બાપાશ્રી અને ભગવાનજી મહારાજ ગોર ઘોડા લઇને પાટી ગયા હતા.

ત્યારે રસ્તામાં ભગવાનજી મહારાજ બાપાશ્રીને ઘણી વાતો કરતા જતા હતાં ત્યાં બાપાશ્રીને તેમણે કહ્યું બાપારામ અત્યારે કોઈ રામદેવજી મહારાજનાં દર્શન કરાવે એવું ખરુ., ત્યારે બાપાશ્રીએ પોતાની ઘોડી પાછી વાળીને ઘોડે અશ્વાર થયેલ બાપાશ્રીએ ભગવાનજી મહારાજ ગોરને કહ્યું.કરી લ્યો । રામદેવજી મહારાજના દર્શન, પરંતુ ભગવાનજી મહારાજ ને મનમાં એમ થયું કે આ ઘોડી તો માંગેલ છે જો નીચે ઉતરીને દર્શન કરવા જાવ ને ઘોડી ભાગી જશે. તો શું કરશું આમ વિચાર કરવા લાગે છે અને ઘોડા પરથી જ બાપાશ્રીના દર્શન કરવા લાગે છે પછી બાપાશ્રી અને ભગવાનજી મહારાજ તેમજ સર્વે પાટી મુકામ રામજી બાપુ ને ત્યાં પધારે છે. રામજી બાપુ એ ખૂબ જ ભાવભર્યું સ્વાગત કર્યું અને ભજન કીર્તન અને ધૂન ની રમઝટ થી ખૂબ જ બધાએ મોજ લીધી હતી.

ત્યાર પછી રામજી બાપુ બાપાશ્રીને આવીને કહે છે ભાઈ રસોઈ ઘટે તેમ લાગે છે ઘણા માણસો છે અને રસોઈ હવે કેમ થશે નવી રસોઈ માટે કાચો માલ લાવવો પડશે, બાપાશ્રીએ કહ્યું ભાઈ ચાલો આપણે રસોડામાં જઈને જોઈએ. આમ, રસોડામાં આવીને બાપાશ્રી અને રામજી બાપુ એ જળ લઈને રસોઈ ફરતે પ્રદક્ષિણા કરીને કહ્યું. હવે રસોઈ ઘટે નહિ જેમ જમાડવા હોય તેમ જમાડો ત્યારે સર્વોને પ્રસાદ લીધા પછી બધાને પ્રસાદ આપે છે છતાં પ્રસાદ વધે છે. આમ, પાટી મુકામે બાપાશ્રી અને રામજી બાપુ લીલા કરે છે.

પછી બાપાશ્રી અને રામજી બાપુ આખી રાત ભજનના સત્સંગનો અનેરો લાભ આપીને બાપાશ્રી બીજે દિવસે સવારે રામજી બાપુ પાસે વિદાય માંગે છે ત્યારે રામજી બાપુ બાપાશ્રીને કહે છે. હવે આપણે ક્યારે મળશું ત્યારે બાપાશ્રી રામજી બાપુને કહે છે. આપણે ધારે સુખરામબાપુ ની તિથિમાં મળશું હવે અમે રજા લઈએ અને તમે સર્વો તિથિમાં પધારજો. આમ બાપાશ્રી ત્યાંથી વિદાય લે છે. અને મોટા ભમોદ્રા ગયા હતા જ્યાં ગોવિંદ ભગતે રાત્રિ રોક્યા હતાં. ત્યાં ગોવિંદ ભગત, ભાણા ભગત વગેરે ભાવિક ભક્તો સાથે બાપાશ્રીએ સુખરામ બાપુ નાં જીવન ચરિત્રની વાતો કરી હતી અને બીજા દિવસે બાપાશ્રી વિદાય લઈને ધાર આવે છે.